 Skarpur.is |
| Rafrænn Skarpur |
| Viðburðir |
Engir viðburðir hafa verið skráðir
|
|
| Smáauglýsingar |
|
- kl.
21.00
Alvarlegt rútuslys í Reykjadal
Alvarlegt umferðarslys varð við bæinn Einarsstaði í Reykjadal um kl. 18:30 í kvöld þegar rúta með 15 farþega, leiðsögumann og bílstjóra innanborðs á leið í Mývatnssveit, valt á hliðina á mikilli ferð.
Mikill viðbúnaður var á staðnum og voru lögregla, sjúkralið og björgunarsveitir frá Húsavík, Aðaldal, Mývatnssveit og Akureyri þegar sendar á vettvang.
Samhæfingarstöð Almannavarna var virkjuð og þyrla Landhelgisgæslunnar og sjúkraflugvél á Akureyri voru settar í viðbragðsstöðu.
Að sögn lögreglu eru 3 mikið slasaðir en aðrir hlutu minniháttar meiðsl. Allir voru fluttir með sjúkrabílum til Akureyrar til nánari skoðunar.
Rútan var að koma niður af Fljótsheiði og var á mikilli ferð þegar kom að vinkilbeygju á veginum, náði ekki beygjunni og valt í vegarkantinum.
Tildrög slyssins eru að öðru leyti óljós en líklegt er að bremsukerfi rútunnar hafi gefið sig með fyrrgreindum afleiðingum.
VP
Rútan á hliðinni. Í baksýn má sjá brekkuna niður af Fljótsheiði, veginn sem rútan kom.
<<til baka
|
|
| Skráin |
|
